被迫遷發爛渣？Bob耍冧認失控

藝人林盛斌（Bob）4年前以月租約10萬元與業主達成協議，租住約三千呎加多利山住所，近日卻被「迫遷」！被指發爛渣鬧人的Bob態度惹批評，他受訪時直認曾情緒失控：「隔籬左右都住咗10年以上，以為自己都可以安居樂業，突然收到通知話唔再租畀我，年廿幾前要交番個單位出嚟，我工作忙搵樓有啲難度，曾多次同業主職員商討，希望過年後先搬，但每次都係話唔得，所以我激動咗啲。」並表示已致電向該職員道歉。由於1月初要離港舉行Talk Show，Bob前日終抽出時間收拾細軟，完騷後亦未能休息：「要趕買傢俬，希望早啲搞掂新屋。」其九龍塘新居比現居大，租金亦相對貴一點，至於放售的小朋友瀡滑梯床，他說：「賣唔出就算，唔啱用喇！」