陳美齡獲兩子撐場攬住喊
藝人陳美齡前晚在伊館舉行《無限量的愛陳美齡一曲二話講唱會》，獲姊姊陳曦齡、毛舜筠及女兒、陳志雲到場支持。全晚除了唱歌外，三個兒子都考入史丹福大學的她又分享育兒心得，要培養小朋友有自我肯定能力及身份認同。她亦分享從小自信心低，因兩個姊姊都很優秀，直至中學做義工改變了其人生，學會不再與人比較。尾聲時，二子、三子及陳曦齡上台，陳美齡與他們攬攬，感動到眼濕濕。
受訪時，陳美齡表示兩子特地從美國飛來打氣，講到三十幾年未在香港開騷，她說：「真係好感動，難得嘅緣分，估唔到過咗60歲都仲可以有咁好福氣開演唱會。（會唔會好似胡楓咁唱到80歲？）唔知呀！睇吓把聲得唔得先，因為我得過癌症，做治療時唱歌好辛苦，要重新練過把聲，好彩把聲返番嚟。」
