龔嘉欣獨氣攻心掃貨玩貓

龔嘉欣晒腿出巡買嘢飲，等自己冇咁Dry！

現年29歲的龔嘉欣入行多年，2010年與鄧健泓相戀，拍拖兩年分手，其後與吳業坤及張振朗等傳過緋聞，奈何統統都是「冇米粥」，難怪Dry了多時的她表示恨拍拖。本月初生日的她開心自爆有追求者，還相約High Tea慶祝深入了解。

正當大家以為嘉欣可以「破Dry」之際，原來戀情一閃即逝！日前下午2時許，她獨自駕車離開將軍澳村屋前往區內一個商場，泊好車後，她步往附近銀行辦理私務。穿上長身衞衣的她，大騷白滑玉腿，臨走前到附近飲品店買了珍珠奶茶，之後邊行邊啜前往停車場取車。其後她駕車前往銅鑼灣行街，主攻小朋友服飾，逛完一間又一間，又不時踎低慢慢揀，不一會已大有斬獲！

唔想好快離婚

警覺性甚高的她，當發現記者時即笑笑口打招呼，問她與「High Tea男」發展如何？現時有否拍拖？她說：「之前係有人追，但依家冇喇！因為唔啱，可能啲富二代嬌生慣養，又唔夠成熟，相處唔到。我又唔急嘅，屋企人都叫我慢慢搵，我唔想結婚之後好快離婚。」之後便取車歸家。

另一日，嘉欣工作後駕車回家，原本一直木無表情，邊行邊講電話，沿途見到一隻貓咪在附近徘徊，她即露出燦爛笑容上前逗貓玩打發時間，期間用手機為牠拍照，玩完貓便急急腳回家繼續守Dry！

踎低揀小朋友服飾，拎上手慢慢睇。

玩貓打發時間，露出燦爛笑容。