何雁詩爆鄭俊弘聖誕禮物未找數

藝人何雁詩、宋熙年、張致恒、徐榮、伍樂怡、邱晴等昨午出席《拆動愛Big Big Re-gifting Day》活動。何雁詩台上放閃說：「我有個好熟嘅朋友聖誕要開工，我焗咗隻雞畀佢，等佢有少少溫暖。」事後她表示剛與男友鄭俊弘在美國登台返港：「佢即刻要歸隊拍劇，所以忙啲。我有啲親戚群組佢都喺入面嘅，我哋成日上載啲開心相，佢睇到好似好慘咁！（佢讚隻雞好味？）佢係survival boyfriend，可能味道一般，但都讚超級好味。（你收到咩聖誕禮物？）佢幫我揀咗支結他，我自己去買，佢未畀番錢我，嚴格嚟講未收到禮物。」她希望明年在工作上多加努力，不過拒絕與男友合作拍劇：「相信公司都唔會咁安排，費事日對夜對鬧交。」