劉佩玥戒酒開P專責「執屍」

藝人劉佩玥（Moon）與張彥博昨日出席商場聖誕活動，Moon表示聖誕節一日內走3、4個Party勁忙，但美食當前仍要有節制，因氣管敏感怕咳得太厲害，至於可有飲酒？她說：「因為之前免疫系統唔好，仲有玫瑰痤瘡，所以唔敢飲酒啦。」正正如此，她笑言每次開Party都負責「執屍」，帶走飲醉的友人：「好彩尋晚個Party冇人飲醉。」問到收到男友送甚麼禮物？她即醒目說：「都冇男友！（咁周志文有冇送嘢畀你？）咁佢有送，送咗個我鍾意嘅卡通人物耳筒，但未得閒買番禮物畀佢。」