譚凱琪送呔冧仔被嫌老土

藝人何廣沛與譚凱琪昨日現身沙田出席Boxing Day活動，譚凱琪被問到男友送甚麼聖誕禮物時，她冧滋滋表示收到對方一份愛，自己則親手做蛋糕冧仔！她笑言向來不習慣交換禮物，因試過買錯Bling Bling領呔，遭男友嫌老土未戴過，自言大受打擊。
譚凱琪唔敢再送呔，今年整蛋糕畀男友。
譚凱琪唔敢再送呔，今年整蛋糕畀男友。

至於何廣沛自爆被家人放飛機：「今日唔使返廠，諗住同屋企人慶祝，點知全家出晒街，家姐、阿爸、阿媽都有約，今晚得番我一個。（冇約朱晨麗？）最近先知今日得閒，如果臨時先約人，自己都覺得肉酸啦！正常個個都有Plan，等佢得閒先，都準備約佢食餐飯，過咗聖誕先。」又透露兩個月後會拍旅遊節目，屆時要穿泳褲騷肌，希望加速練成朱古力肌。

譚凱琪、何廣沛與梁嘉琪大受歡迎。
  • 譚凱琪、何廣沛與梁嘉琪大受歡迎。
何廣沛被「放飛機」，一個人過Boxing Day。
  • 何廣沛被「放飛機」，一個人過Boxing Day。