荷里活男神尊尼特普（Johnny Depp）擔正多年的《魔盜王》（Pirates of the Caribbean）系列電影深入民心，不過近年拍到第5集已失人氣，早前有傳迪士尼打算飛起尊尼重拍系列，電影部主席Sean Bailey近日接受雜誌《Hollywood Reporter》訪問時更親證傳聞。
被問到聘請《死侍：不死現身》（Deadpool）編劇Rhett Reese與Paul Wernick寫《魔盜王》新劇本，系列如果沒有尊尼還可不可以繼續？他說：「我哋想加入新能量同生命力。我鍾意舊嘅《魔盜王》電影，但Paul同Rhett有趣嘅原因，係我哋想推進個系列。而呢個就係我畀佢哋嘅任務。」不少尊尼粉絲在社交網表示失望！