冬至陪妻女王浩信聖誕講心意
藝人王浩信與歌手菊梓喬（Hana）昨日到會展出席活動，聖誕節將至，王浩信表示最近忙於在佛山拍攝網絡電影，要忙到年底，所以沒有假放，問到囡囡會否不快？他說：「佢好明白，知道我工作都會體諒。（買定禮物氹佢？）我哋一家人環保意識好強，佢唔係好需要物質，要搵心意啲嘅嘢鼓勵佢。」又說昨日冬至會一家人吃飯。問現時跟太太陳自瑤的關係，他淡然說：「屋企嘢唔講喇！」
Hana透露聖誕冇男仔約，會留在家中睇戲。問到不覺孤獨？她說：「我反而唔係咁鍾意出街，而且有狗仔陪。」對於有指她將擊敗容祖兒奪得「最受歡迎女歌星」，她即耍手擰頭：「唔好呀！我好鍾意祖兒呢位前輩，唔可以咁講。我都冇信心攞獎，唔想期望太大。（最想攞咩獎？）可能係『最願意單曲循環歌手』獎，我自創！我經常上網聽自己嘅歌治療自己。」
