余德丞「重生」過聖誕唔預蔡思貝
聖誕節是普天同慶的日子，性格開朗、樂觀的余德丞和劉佩玥，坦言最喜歡這個節日。今年余德丞要到外地工作，未能與緋聞女友蔡思貝慶祝；而劉佩玥則笑指緋聞男友周志文太悶，故寧願一班人開Party，總之各有各精彩。
無綫藝人余德丞（Dickson）與劉佩玥（Moon）都是開心快活人，二人成長在幸福家庭，生活、工作順利，自覺是個幸運兒。今年聖誕節，Dickson要到日本拍攝旅遊節目，未能相約蔡思貝慶祝，他笑說：「每年聖誕節如果唔使做嘢，都會去同學屋企敍舊，好似變咗『拜年』咁，同埋以往聖誕我都會踢波，今年冇得踢喇！」
重提今年8月踢波期間突然昏迷，心臟更一度停頓，幸大步檻過，重新投入工作，他憶述當時情況：「好多嘢都唔知，好似瞓咗覺咁，瞓醒就好似發咗場夢，當時冇咗知覺，醒番先知咁大件事。依家希望身體健康，做嘢唔會夾硬嚟，要休息夠先去做。」他表示身體要百分百復原還需要時間，現時已慢慢恢復工作，並可以踩健身單車及做負重訓練。
做人最緊要知足
至於Moon坦言喜歡聖誕，最好每日也是聖誕節，過得繽紛又開心，問她今年可會相約周志文共度佳節？她笑說：「好悶呀！都係工作中度過，仲會一班朋友開Party，依家幾好，淨係傳文仔，耳根清淨，其他朋友可以有喘息機會，哈哈！」Moon認為出生在香港，比起在第三世界國家的小朋友已經是很幸運，加上除了有疼愛她的父母，還能認識多位沒有血緣的好友，如陳瀅、何雁詩、周志文、周志康等，自覺人生佷幸運：「幸運係畀自己嘅態度，做人要知足，有人關心、有人錫，四肢健全已經好幸運，自己亦滿足所擁有的。」