胡鴻鈞開P必預許廷鏗

歌手胡鴻鈞昨日出席聖誕活動，表示佳節要在工作中度過，有空就會陪家人及與朋友開Party，問到可有好友許廷鏗（圓圖）份？他說：「一定有，年年都會一齊同其他朋友慶祝。」講到工作，他透露1月中將開拍《降魔的2.0》，近日試了造型，不再做「石敢當」：「會做同馬國明好細個就稱兄道弟嘅朋友豪仔，我會做佢嘅靈魂，今次又唔係人。」講到吳若希話菊梓喬是「一姐」，分屬同門的他解畫：「相信佢係衷心恭喜對方，我哋成日會互叫一哥一姐。」