劉愷威與楊冪結束近5年婚姻，消息震驚娛樂團，不少與愷威分屬好友的藝人大嘆可惜。
舊愛廖碧兒：「人哋私人感情事，我冇回應。」
「新五虎」吳家樂：「真係唔知佢離婚，我最近忙緊拍劇集《機場特警》，最近一次見愷威係今年10月古天樂生日，雖然唔講私人嘢，不過大家都有小朋友，所以都有傾湊小朋友話題，但我就冇見過佢個女。（離婚可惜？）身為局外人唔參與意見，家家有本難唸的經，作為朋友梗係想關心佢，但離婚自有佢原因。」
陳彥行：「喺團圓日子宣布離婚梗係可惜，佢冇喺我面前提過，淨係知佢父母都有幫手湊女。」
張崇德：「呢個係好朋友私事，愷威公司都發咗聲明，我唔方便作任何回應，謝謝。」