周志文𥄫住劉佩玥咀仔
藝人劉佩玥（Moon）、周志文、羅天宇及翟威廉昨日現身旺角街頭出席活動，講到台慶頒獎禮在即，周志文揚言今年只看過一套電視劇，就是緋聞女友Moon演出的《跳躍生命線》，故支持她爭視后，Moon即甜笑冧爆。二人身邊的羅天宇及翟威廉即「唔執輸」刻意扮Sweet，場面爆笑！
周志文說：「除咗Moon之外，套劇都有好多朋友有份演，所以要支持。（但集中睇一個？）有啲場口都幾開心，例如Kiss。」暗指有睇Moon與何廣沛於劇中「蜻蜓點水」錫嘴，問他是否睇到百般滋味在心頭？他即解畫：「覺得好真，演技有加分！（呷醋？）演員嘅工作係要做好角色。」而Moon對於首次入圍「最佳女主角」感榮幸：「但比較想《跳》拎最佳劇集。」
預告共度聖誕
二人又預告聖誕節會開Party交換禮物，講到弟弟周志康再添一女，問周志文是否有結婚念頭？他說：「係長期目標嚟！」