Yanny@SG貪靚 男友都唔要！
昨日陳柏宇（Jason）與Super Girls成員陳穎欣（Yanny）齊齊現身北角匯，分別為其商場與海匯酒店的聖誕主題「Snoopy Christmas Garden」進行開幕儀式及啟動禮，Yanny一見Snoopy即攬實唔放！她最近與男友陳考威蜜遊大阪玩足9日，日日喪食之下，令體重史無前例飆升！講到男友大方晒相放閃，但她為何只放單人照？Yanny甜絲絲說：「覺得自己一個靚啲，可能佢覺得啲相有埋我靚啲就Post合照。（男友有送生日禮物？）我哋講心，哈哈！」
陳柏宇送禮慰勞太太
至於開騷與Fans歡度聖誕的Jason表示，會預先準備禮物給太太，以慰勞她辛苦湊B：「囡囡依家飲奶又飲得辛苦，唔係咁鍾意飲奶。」提起早前擔任韓星IU演唱會嘉賓時大唱韓文歌，聖誕騷會否再有驚喜？他卻笑言冇下次：「用咗2、3個月去背。（有語言天分？）都有啲，模仿聲音都可以，但理解詞彙上就唔係好好。」
年底頒獎禮在即，Jason入圍叱咤「我最喜愛的男歌手」最後五強，問到有否信心蟬聯？他謙虛指冇預計會否有獎，反而太太一早叫齊全家投票：「再攞當然會開心！呢次古天樂係一個勁敵，係唔同Level，佢高好多！」
