謝芷倫與男神拍拖嗌興奮

藝人謝芷倫（Jan）憑《愛．回家之開心速遞》「Mandy」一角人氣急升，最近更被大型商場睇中邀拍廣告，與新一代男神余德丞（Dickson）合演情侶。提到首次與對方合作，她表示相當興奮：「估唔到我哋竟然以情侶檔身份拍廣告！為咗拍得靚啲，我哋都喺條電梯走上走落咗好多次，好在我哋都係運動員出身，一啲難度都冇。」
突然變得高貴，謝芷倫指有粉絲唔認得佢。
突然變得高貴，謝芷倫指有粉絲唔認得佢。

廣告出街後，不少粉絲反應熱烈，Jan笑說：「今次造型感覺高貴啲，有啲人睇完都有啲疑惑究竟係咪我。」講到劇中要坐監，她指不少觀眾都非常期待她「出冊」：「近日好多人問我幾時放監，有街坊話好掛住我，會等我返出嚟，真係好多謝佢哋咁支持。」

謝芷倫與余德丞首次合作，默契十足。
  • 謝芷倫與余德丞首次合作，默契十足。