驚風騷過火楊秀惠要心理輔導

「民間女配角」楊秀惠昨日到電台宣傳熱播劇《大帥哥》，喜獲Fans送紅玫瑰。她受訪時興奮表示新劇頭五集於網上平台突破1億點擊，連身在馬來西亞的7歲姪仔亦非常捧場：「學我喺劇中色誘張衞健揈手嘅動作，又叫我『耶』畀佢聽。」不過，她坦言當接下「艾妞」這個風騷角色時，曾擔心令大家反感，演出時一度掙扎、甚至每日要進行心理輔導：「一路睇播出都一路震，好彩依家收到好多正面評價，總算鬆一口氣！做演員都係想得到觀眾認同！」更開到口恨攞獎：「都想有獎項認同演技，但要睇埋其他因素，自己盡咗力就得。」秀惠又預告劇情會更加精彩，雖然播出時間有「輸蝕」，但證明作品夠好便留得住觀眾，12月絕非「炮灰期」！