梁雪瑤吐烏氣暗寸港姐冇眼光
亞姐香港賽區冠軍梁雪瑤曾兩度面試港姐但也未能入圍，最終贏得亞姐冠軍，坦言有吐氣揚眉的感覺：「證明之前選唔到唔代表我唔得。」
《2018亞洲小姐競選》香港賽區冠軍梁雪瑤、亞軍張右雨及季軍林孜沫，早前會合其他賽區佳麗到韓國訓練，準備在馬來西亞舉行的總決賽。梁雪瑤有信心再下一城，覺得最強項是身高，談吐優雅有內涵，最近積極操弗及重溫比賽，改善臨場發揮。曾兩度面試「香港小姐」也未能入圍的她，對贏得亞姐也感到吐氣揚眉：「證明之前選唔到唔代表我唔得，有好多因素、制度，自己亦唔清楚遊戲規則，但唔緊要！從失敗中學習，終於實現細個夢想。」
住公屋都唔差
講到早前被「起底」揭露住公屋，梁雪瑤表示沒有不開心：「最緊要做自己，呢個係真實嘅我、好寫實，其實住公屋都唔係咁差嘅事。」她亦不介意被街坊眼望望：「可能生得高，一向都有人望，都開心開始有人認得自己。」不過，她指有想過搬出來，嘗試獨立生活：「我係好獨立嘅女仔，喺澳洲讀書都係自己半工讀，一邊打工一邊讀書，有機會都想搬出嚟租地方試吓喺香港自己住。」
張右雨愛篤魚蛋
本身是舞蹈員的亞軍張右雨最強當然是跳舞，指得獎後還是繼續做自己，依舊會在街邊篤魚蛋，有信心挑戰總決賽冠軍，更對梁雪瑤笑說：「到時我哋就係敵人，不過亦都是敵是友。」林孜沫則指會內外兼顧準備比賽，除了身材外，還會多看書本，希望問答環節由內到外也能給人美的感覺。