王詠珩撒米整爆裙

模特兒王詠珩（Wing）早前與家人到希臘參加表哥的婚禮，她表示由雅典出發要坐約三小時的山路車程，之後轉搭船才抵達婚禮場地，可謂長途跋涉：「去嗰程我有Auntie暈車浪嘔，大家都有啲頭痛又好攰，係有啲辛苦。返雅典嗰程，大家都食定暈浪丸，藥力勁到大家上車瞓到落車，全部都瘟瘟沌沌，無精打彩。」
王詠珩
王詠珩

Wing又指當地結婚有個傳統儀式，新人步行出教堂時，獲親友掟米接受祝福：「當日我着住一條好緊嘅裙，郁動位比較細，用力掟嗰時啪一聲爛咗，哈哈！不過大家都玩得好開心，呢個旅程同家人過得好愉快。」

王詠珩遊希臘，趁機留倩影。
  • 王詠珩遊希臘，趁機留倩影。