同陳家樂過聖誕？陳瀅爆另有其人

藝人陳瀅昨日出席慈善機構活動，講到憑劇集《跳躍生命線》提名「最佳女配角」，可有叫緋聞男友陳家樂投票給自己？她邊笑邊自爆：「我投咗『最受歡迎電視男角色』畀佢，因為真係覺得佢做得幾好、演得好可愛，但視帝就投畀馬德鐘。」講到陳家樂表示聖誕節會與她開工度過，她卻反踢爆：「以我所知我嗰日係要同洪永城過嘅，因為拍緊劇。（洪永城好似有拖拍喎？）真係？（阻住人過聖誕？）本身嗰日要開工，我都有啲唔開心！（到時見面恭喜佢？）見到面問佢，真係嘅話就會恭喜佢。」