48歲鍾麗緹生B冇限期
藝人鍾麗緹前晚以古裝敦煌仙子造型在香港亞洲國際博覽館為《千年之約—絕色敦煌之夜》香港站擔任嘉賓，她希望拍古裝戲不想做花瓶角色，並笑說：「想拍動作片，做一個單親媽咪角色，去拯救自己嘅小朋友，自己身手可以。」
現年48歲的她與前兩任丈夫育有三名女兒，與現任丈夫張倫碩婚後到美國做試管嬰兒，她說：「係呀，依家調養緊身體，結咗婚想有自己嘅BB，我好鍾意BB，仔女都冇所謂，之前去咗美國嘗試試管嬰兒，好多人唔係好了解，其實唔係咁驚、咁辛苦。」又透露除了到美國，還在內地與台灣嘗試試管嬰兒。
對於早前她透露嘗試人工受孕惹來批評，被網民指她靠食激素藥物增加成孕機會，老公嬲爆發文反擊，她說：「之前都有啲批評，有啲Over咗，亂咁寫，希望大家會覺得結婚生BB係好平常嘅事，冇唔開心，希望大家畀支持我，我好鍾意小朋友，希望有一個大家庭。」又指並不會為生BB定下期限給自己壓力，順其自然，即使不成功，也覺得現在很幸福。