大仔扮星戰黑武士 陳豪讚有表演天分

兩位星級爸爸陳豪及陳智燊(Jason)昨日到尖沙咀出席活動,陳豪最近為大仔慶祝五歲生日,囝囝扮成「星戰」黑武士:「每年都幫仔女搞Party,大仔都大個,會安排佢鍾意嘅服飾同玩具。」又透露二仔在學校表演話劇:「開始要面對好多人,要騷啲自信出嚟!大仔舊年都有表演,平時見佢Hea吓Hea吓,但上到台講嘢自信又夠大聲!」

Jason則直言接多了有關小朋友的工作,跟老婆宋熙年也不抗拒帶囝囝Damon出鏡:「一家三口拍廣告都冇問題,當係記錄佢唔同歲數嘅階段。」又指夫婦早前飛日本三日兩夜,太太掛住囝囝掛到喊。此外,宋熙年在社交網上載全家福,祝兒子百日快樂,一家三口穿親子裝非常溫馨。