歌手譚杏藍（小花）昨日到電台宣傳12月21日舉行的演唱會，坦言又驚又緊張：「我本來想跳舞，畀人撳住咗。」並透露樂隊ToNick主音男友趙善恒亦會到場：「佢可能上嚟彈結他，佢話咩就咩啦，我唔會逼佢！佢開心我就乜都好！」提到騷上會有啤酒賣，小花認為切合自己性格：「我可能到Encore或者After Party先飲，依家戒酒戒咗兩日已經好辛苦，如果忍到開騷嗰日，就真係破紀錄。」問到屆時會否像海報般性感？她笑言：「我驚啲人走，要洗眼！」
