江嘉敏避緋聞同王浩信絕交
無綫小花江嘉敏（Kaman）於熱播中的台慶劇《兄弟》飾女保鏢，首次做女一的她與視帝王浩信有不少對手戲，令她十分緊張，怎料拍攝不久更與對方傳緋聞，令她壓力爆燈，她說：「傳緋聞係第一次，真係唔識點去處理，當時我哋喺英國拍緊劇，我有啲尷尬，我怕大家一齊傾劇本會畀人繼續寫，我有兩日冇睬過佢，不過監製同Tiffany（劉穎鏇）覺得我唔可以因為緋聞而影響表現，咁係唔專業，係Tiffany拖住我過去同浩信打招呼，我覺得佢哋講得好啱，如果因為咁小事而影響自己表現同團隊，對大家好唔公平。」
初嘗公主抱
Kaman與浩信在劇中飾情侶，是歡喜冤家，但親密戲欠奉，問到最難忘一幕？她笑說：「我比較貪食，體重有番咁上下，一直以來都冇男對手可以成功一下就抱起我，其中有幕係我暈低咗，浩信係第一個可以公主抱起我嘅男仔。」
最近承認拍拖的Kaman，被問到拍親熱戲之前是否要向男友備案？她說：「我有同佢講過，佢話呢個係你工作，會支持我，佢唔會因為自己個人喜好而去控制我做啲乜。」她又希望憑此角令事業再上一層樓，又指去年的目標是兩年內令全港巿民都認識自己：「我依家都係繼續向呢個目標前進，如果兩年後可以攞獎就最好！」
場地：1963木十豆寸