史泰龍打夠皮「洛奇」榮休

年屆72歲的史泰龍前日於Instagram上載早前拍攝《洛2》的幕後花絮片段，並留言宣布洛奇今次作為配角亮相後，將從大銀幕「退休」：「我只想感謝過去40年將洛奇帶入全球所有觀眾嘅心中，能夠創造同飾演呢個有意義嘅角色是我嘅榮幸。雖然令我心碎，但遺憾嘅係所有事情都一定會過去……並完結。我愛善良同慷慨嘅觀眾，最美好嘅事情係洛奇永遠不會死，因為佢活喺你身邊……」他還表示最初以為洛奇一角會於2006年的《洛奇：拳王再臨》（Rocky Balboa）後完結，直到《洛奇外傳》的男星Michael B. Jordan出現令事情轉變。

勇奪金球男配角

洛奇是史泰龍於70年代中未紅時創作的角色，影片於1976年上映後叫好叫座，並獲得奧斯卡10項提名，最終勇奪最佳電影、導演及剪接三獎。《洛奇》六集正傳加兩集外傳，累積票房至今高達57.5億港元，而史泰龍亦於2015年憑洛奇一角首次奪得金球獎最佳男配角。

另外，電影前日於英國倫敦舉行首映禮，史泰龍未有出席，由男主角Michael、戲中對手師徒龍格爾（Dolph Lundren）與Florian Munteanu、Tessa Thompson與碧姬妮爾遜（Brigitte Nielsen）等撐場，其中Florian行紅地氈時展示羅馬尼亞國旗。