談善言讚陳錦鴻乜都得

藝人談善言於ViuTV新劇《婚內情》與陳錦鴻不乏對手戲，日前她出席拜神儀式時透露，只要錦鴻現身片場便很有趣：「佢會講好多嘢，一件簡單事可以講半個鐘，上至健康、下至人生常談都講到，聽完有得着㗎。好似之前佢話我虛，叫我食多啲黑豆，因為佢好識養生，平時開工都會準備薑茶畀大家。佢仲有個口頭禪係『梗係得啦』，真係好搞笑。」
談善言帶病拍劇，不想拖累劇組進度。
談善言帶病拍劇，不想拖累劇組進度。

她表示由於日以繼夜拍劇，結果捱出病，聲音也變得低沉：「好彩個角色係要求我用呢個Tone講嘢，咁病緊就啱晒。」

談善言讚陳錦鴻樂於提攜後輩。
  • 談善言讚陳錦鴻樂於提攜後輩。