林宣妤蔡菀庭互勉瘦出友情
華姐林宣妤與蔡菀庭性格不同，但反而能成為好友，皆因有共同「敵人」，經常互相鼓勵及分享減肥心得。
《2017國際中華小姐》亞軍林宣妤（Serene）與應屆華姐蔡菀庭雖然來自不同屆，性格更是相反，前者「男人頭」，後者則是「淑女」，但十分老友。兩人一齊讀無綫訓練班及屬同一經理人而多接觸，不時相約行街，對於不適應香港急速節奏的林宣妤幫助很大，蔡菀庭笑說：「個個女仔鍾意行街、扮靚，但佢就唔係，哈哈。」林宣妤則說：「我就唔鍾意行街同扮靚，最鍾意行山，自己嚟香港唔係好耐，試過一個人去行山，我內心係一個男人。」
蔡菀庭習慣照顧人
有兩個弟弟的蔡菀庭習慣照顧別人，不時協助林宣妤工作及日常生活。她們有女士門的共同嗜好——減肥。最近積極減磅的林宣妤笑說：「努力減肥，之前食多咗，依家會自己煮嘢食，食得健康啲，都驚減唔番㗎，哈哈。」
林宣妤矯正口音
由馬來西亞來香港發展的林宣妤，首次拍劇有機會與偶像田蕊妮合作《她。她。她的少女時代》，她說：「喺馬來西亞拍過電影，但未試過拍劇，雖然喺馬來西亞都係講廣東話，但都要矯正吓口音，都會睇番田蕊妮嘅劇學習。」