高海寧情侶檔唔拘搵男友伴奏
藝人高海寧（高Ling）在餐廳開幕活動大晒「胸器」，連難得「中門大開」穿Deep V的陳敏之亦被比下去！高Ling與男友鄧智偉同場現身，但一早透過公關講明不合照、不受訪，相當避忌！不過，她表示都會睇吓有冇機會情侶檔。
前晚陳敏之、高Ling、袁偉豪、李佳芯及張曦雯到上環為餐廳開幕擔任剪綵嘉賓，穿上低胸裙的高Ling坦言為晚上舉行的活動穿得隆重點，不過強調不需要給男友過目：「唔需要呀！工作上我可以自己話事，絕對獨立。（唔介意你畀人睇蝕？）冇睇蝕呀，靚之嘛！」她透露已黐膠紙做足安全措拖，慶幸沒試過走光。說到與男友同場，高Ling指二人分別獲邀，並非情侶檔：「我諗暫時我一個人出席都OK，啲客都鍾意我。（試吓情侶檔？）睇吓有冇機會啦，佢喺我隔籬彈琴？或者唱隻歌。」
聖誕節唔使拍拖？
工作方面，她透露劇集《殺手》的台灣外景部分已完成，但活動後還要繼續開工：「想快啲拍完，因為緊接又下一套。（聖誕節唔理男友？）佢自己有好多朋友。（冇投訴？）呢個時間大家都知工作最緊要，機會好難得，要好好珍惜。」
至於敏之穿上低到落肚臍的「終極Deep V」上陣，卻自嘲冇嘢睇：「就係我得棚骨先咁夠膽死，呢件係我入行以嚟最Deep V，冇嘢睇但好有型，自己勝在骨感美，着呢啲會安全啲，我落車之前貼晒膠紙，點郁都唔會走光，一啲窿位都冇。」她指不少模特兒穿同類衣服也不會打底，不過她自問沒身材，因此要黐膠紙。她笑言成為人母後更勇於穿着性感：「以前驚自己着得唔靚，依家呢個階段又覺得OK喎！係唔同階段嘅靚，依家女人味重啲，可以Carry到呢啲衫，係骨感先敢咁着。」