張智霖將功補過「打」救薛家燕
「男神」張智霖（Chilam）、謝天華及薛家燕日前為即將舉行的《薛家燕愛你無限60年》演唱會綵排，Chilam笑言練定「十字步」以備不時之需：「我已經拉定筋(0架)啦，隨時準備好！」但他大爆與薛家燕跳舞唔夾：「記得上次同佢拍劇跳一小段舞，搞到佢整親入醫院，成為我童年陰影。」薛家燕聞言即笑不停，指當年全靠對方才避過排長龍睇急症：「等好耐都冇醫生睇我，Chilam無啦啦攞份馬經入嚟問我買邊隻，其實佢係想分散我注意力，靜靜雞急Call跌打師傅嚟，幾下手勢就搞掂，原來軟骨移位。」
