陳家樂自知麻煩向洪卓立耍冧
湯怡及洪卓立早前宣布結束十年情，令不少人惋惜！網民隨即「柯南」上身，一口咬定同湯怡有緊密互動的陳家樂是第三者，昨日「小三」現身，卻再三重申雙方只是好友關係，更直言曾為增添麻煩而向洪卓立致歉！
藝人陳家樂昨晚孖師妹曾樂彤出席品牌活動，問他可有關心好友湯怡與洪卓立分手？他表示分別向二人講「Take Care」：「佢哋都係我識咗十幾年嘅好同事、好朋友，但係佢哋嘅事就唔好有咁多人發言。」講到有傳他是「第三者」，他嗌晒救命：「太具創作性嘅嘢唔識講，但我哋今年都一齊合作拍咗三套戲。（話你哋成日Post合照？）到時套戲出咗大家就會明，今次有兩套戲同佢演情侶，仲有一套就做同事。」
好朋友關係
之後若見面可會尷尬？他笑笑口指平時都成日見面，不會尷尬：「有講嘢嘅，大家都識咗咁耐，係好朋友。（有冇同洪卓立解釋番件事？）都有同佢講過Sorry，搞到佢哋有更加多人討論。」
同場分別有兩位準辣媽挺肚現身，均貪靚着3吋「斗零踭」，其中身穿西裝褸的陳凱琳（Grace）扣起鈕都見肚，笑言有帶平底鞋更換：「呢對比起平時着嗰啲矮好多，老公有批准，佢依家對我更貼心。」再追問懷孕幾多個月？Grace以笑迴避，繼續口密：「暫時唔想講住，畀我多啲時間諗吓再講。」
陳凱琳下月「開估」
活動前有公關表示Grace會宣布BB性別，對此她呆一呆，並稱想與老公下月一齊於IG上公布：「生BB係兩個人嘅事，唔想單方面講。」又指未問好友黃賢智為何透露BB性別：「但佢會係BB個契爺，所以佢有第一手資訊。」問她着桃紅色衫是否暗示BB性別？她說：「想有啲聖誕氣氛啫！」
另一大肚婆前英皇小花何嘉莉，因感染B型肺炎鏈球菌，故每日都要服4次抗生素，已決定開刀生B的她笑指生埋今胎會封肚，而為安胎更一改每年聖誕節出埠滑雪的習慣！