張寶兒講明唔要台上求婚

張寶兒與袁偉豪感情穩定，若果Ben成為三料視帝，分分鐘喜上加喜宣布結婚！

張寶兒、陳貝兒、歌手陳蕾與前新聞主播柳俊江等昨日現身首飾活動，早前袁偉豪贏得星馬雙料視帝，Bowie開心到眼濕濕，問到若Ben在下月的台慶頒獎禮再下一城，成為三料視帝的話，兩人會否結婚？Bowie坦言：「我覺得好難話計劃唔計劃，但依家未適合住，大家仲有好多抱負喺工作上。（大家有傾過？）任何認真拍拖嘅人都會傾。（有時間表未？）好難講到將來，呢一刻想喺工作上繼續努力。（Ben話佢準備好，只係畀時間你發展工作。）佢將個擔子畀咗我，依家佢嘅事業發展得好好，係需要時間去做得更好，我拋番個波畀佢先！」

投男友一票

Bowie直言會投票支持男友，相信他有能力成為三料視帝：「如果佢再攞獎，我要諗個Surprise畀佢。（如果佢喺台上向你求婚呢？）我覺得私下會好啲，希望呢個時刻係兩個人。（對求婚有冇憧憬？）我覺得諗過通常唔會成真，所以唔好諗。」

袁偉豪	張寶兒（右起）、陳貝兒、柳俊江及陳蕾為首飾活動助威。	陳貝兒大騷女人味，吸引男士埋身？

陳貝兒佛系緣分

至於陳貝兒透露正修讀法國甜品課程，如果成績好就可以到法國實習，她預計明年下半年要周圍飛，因為有機會開拍《嫁到這世界邊端3》：「第二輯反應唔錯，好多男士都話睇到喊，原來香港好多暖男。（你幾時搵個暖男畀自己？）年底好多朋友搞Party，想介紹朋友畀我識，我對呢方面係佛系，緣分到就會出現。」