謝安琪獲解封北上開騷
歌手謝安琪（Kay）疑因被指在2014年佔中期間到金鐘撐學生事件，原定2016年在內地舉行的10場演唱會，最終遭內地封殺而取消，當時她大受打擊，在紅館開了兩場演唱會後，便暫別歌壇努力「造人」，之後為老公張繼聰「追女」成功。事隔兩年，Kay終獲內地解封，早前在內地一個演唱會售票網站出現一張宣傳海報，售賣本月24日在中山舉行的《鄧紫棋x側田x謝安琪ALL IN 2 VIP演唱會》，雖然以鄧紫棋為主打，但Kay今次有機會返內地給歌迷獻唱，已是好開始。對於解封並返內地開騷，Kay經理人公司回應：「關於大陸演唱會嘅問題，我哋冇回應！」
囡囡直呼父母名字
另外，Kay前晚現身香港迪士尼樂園舉辦的「米奇90周年慶祝派對」，她指歲半大的囡囡晚晚都會同公仔傾偈：「有時我都唔知佢講乜。我唔敢同佢講我入嚟做嘢，因為太夜，搵日我放假先帶佢嚟啦！」她笑指囡囡會為公仔改名如「OK」、「費事」，問到會否不敢在女兒面前叫老公的暱稱？她說：「我同阿聰冇乜暱稱，我會叫佢Lulu，個女有時會叫爸爸做阿聰，叫我Kay。」提到位於佛羅里達州的主題樂園提供喪禮服務，Kay認為葬禮不一定是傷感，又表示有想過自己的身後事，希望朋友可以歡送她的離去。
