鄒文懷追思會幼子否認含恨40年
資深電影人鄒文懷上月30日離世，終年91歲，昨日於紅磡舉行追思會，楊受成、劉偉強、唐季禮、成龍及兒子房祖名等到場。會上鄒文懷女兒鄒重珩嗚咽致詞：「非常多謝大家出席，感受到爸爸真係好有福氣，有咁多人嚟睇佢。」她指爸爸是位好學不倦及追上潮流的人，而且很講道理：「有時我同人爭執，佢都唔一定會撐我，佢會追查清楚先，話好多時真相係兩面嘅中間。」
而鄒文懷幼子、與鄒重珩同父異母的鄒重璂，重提年前有媒體指他是私生子「含恨40年」，他澄清並不準確：「我好自豪有呢個爸爸，明白材料唔夠動人曲折，會自己加少少。」他憶述08年鄒文懷退休時，曾問父親有否打算出自傳：「當時爸爸話偉人先出自傳，佢話佢唔係偉人。」
