「巨肺小天后」鄧紫棋（G.E.M.）繼前年的何韻詩，今年以中國女歌手身份打入英國廣播公司（BBC）選出的年度「百大女性」，她被形容為暢銷女音樂人，運用影響力去支持有關音樂、教育與扶貧的慈善組織。
得悉喜訊的G.E.M.先在社交網報喜，坦言受寵若驚：「超級開心，因為今個月先去咗NASA唱自己原創嘅中文歌，過咗冇耐收到咁好消息，今年對我嚟講有好多突破，音樂上推出好多作品，亦成立咗自己嘅慈善基金，又開設咗投資公司，投資科技事業，好高興大家見證咗我好多唔同嘅嘗試。希望我嘅故事同經歷能鼓勵更多人，只要你肯做，肯踏出第一步，就可以觸碰到自己嘅夢想！」