JJ嗌救命：驚佢打同學

JJ和樊少皇前晚為愛女Boa在酒店舉行1歲生日派對，Auntie及Uncle輩包括劉松仁、錢小豪、呂慧儀及囝囝、姚瑩瑩與囝囝等紛紛到賀。回想起生女過程，JJ笑言似足拍戲：「老公出埠拍戲，我同佢通完長途電話，半夜突然穿羊水。我一直再搵唔到老公，好彩朝早6點終於聯絡得上，佢即刻由西安轉機返香港，趕得切為囡囡剪臍帶，如果遲多一班機就真係趕唔切。」

湊一個費盡心神

今次囡囡生日隆重其事，JJ解釋：「因為我哋結婚冇擺酒、滿月同百日都冇特別慶祝，想趁今次留番啲回憶畀自己。（再生？）暫時唔會諗，照顧一個都好花精神，但如果再生都想再生女，等佢哋兩姊妹似閨蜜。」不過，就照顧女兒問題，兩公婆似乎未有共識！由於Boa比較調皮活潑，少皇想等囡囡再大一點，便教她習武及玩電單車，JJ聞言即向記者「求救」：「你哋幫我同佢講，叫佢唔好咁做，我驚囡囡第時會打同學呀！」少皇即「反駁」：「練武都可以有武德啫。」

一班藝人玩自拍，氣氛熱鬧。	呂慧儀帶埋囝囝出席生日派對。	劉松仁

心掛掛唔想出埠

自從囡囡出生後，少皇不想再出埠開工：「有次我去尼泊爾個幾月，真係好掛住囡囡，日日要Facetime。」JJ即說：「當時我覺得佢直情想唔再拍！」當問到比較掛住太太還是囡囡？他即「補鑊」說：「梗係太太啦！」

至於早前的「欠債事件」，JJ表明是自己借錢給友人，卻被對方反咬一口，雙方搞到對簿公堂，她前晚再補充：「我有信心打贏官司，但冇信心追番筆錢。依家開始唔會再借錢畀人，連親戚都唔會喇。」