袁富華唔理政治：我只係做藝術！

資深演員袁富華憑電影《翠絲》在台灣金馬獎贏得最佳男配角，前晚他返港後即拿出獎座錫了一啖，又獲工作人員送上鮮花祝賀，他直言相當疲倦，因得獎後不停受訪及宣傳：「我咁名不經傳，好好彩得到個獎，有咁多訪問。（之後工作安排？）我舞台出身，都有好多劇，咁急返因為要排練，古天樂（老闆）話要搞慶功，都要再度，我得獎後有同佢傾電話，兩個都混亂，講嚟講去都係我多謝佢，佢好開心咁，我想再多謝佢，唔止出錢，仲會注意品質，到真係拍攝就放晒手，唔會指指點點，我好敬佩佢。」他直言未有計劃加片酬，對於明年金像獎亦言之尚早。