馮盈盈透視焗除底褲
台慶夜一眾女星盛裝示人，有「MK港姐」之稱的馮盈盈去到盡，以低胸及側身透視上陣，但擺甫士時不慎露出小肚腩，她說：「條裙好大陣仗，喺以色列運過嚟，好多人爭呢條裙。」老友麥明詩指對方試裙時有穿內褲但太明顯，盈盈即說：「係囉！所以就除咗！（男友點睇？）佢睇到呆咗，話會引人遐想。」
劉佩玥以一身Deep V露背裝上陣，甚具仙氣，但不慎失策露胸墊，她說：「唉！因為我太大動作，有少少移位，係失手咗！化妝師都有叫我真空，但我好緊張，又過唔到自己嗰關。」至於「咪神」張秀文心口突然加個交叉大煞「峰」景，她說：「成日畀人話中門大開，今日揀呢套衫叫做『中門大關』！」而朱千雪與江嘉敏齊齊佩戴英皇珠寶贊助的首飾上陣，分別總值逾千萬港元及六百萬元。
