黃翊接太太出院每周覆診洗血
歌手黃翊昨日帶同兒子到養和醫院，接早前患腎病曾陷入昏迷的太太陳存正出院，戴口罩的陳存正慢慢步出醫院。黃翊指她已精神不少：「行得不過未走得，依家係適當時候返屋企休養，之後每星期要返醫院洗血。」他認為洗血比較好，可令太太精神一點，又透露她剛進行轉喉位手術，身體比較虛弱和不舒服：「傷口有少少痛。（要補身嗎？）暫時唔係好需要，最緊要喺屋企多啲休息。我會盡量抽時間陪佢，咁啱自己出新碟要宣傳，不過就算我睇唔到，我個仔、家姐同屋企人都會幫手。」
最想洗頭沖涼
他形容太太出院是一份很好的禮物，一家人齊齊整整：「個仔有媽咪𥄫住都會乖啲。（返去第一件事做乜？）帶老婆洗頭，等佢沖番個靚涼，佢最想洗頭同瞓番自己張床。」陳存正亦輕聲多謝大家關心，坦言不怕辛苦，會多做運動：「令自己身體好啲，希望大家唔使咁擔心。」
黃翊亦感謝大家個多月來的關心，稱有時在街上有陌生人上前問候和叫他們加油。至於醫療費用方面，他表示需要一筆錢，故要努力賺錢。