黃德斌垃圾分類救地球
環保你我都要出一分力，藝人黃德斌、傅嘉莉（Kelly）、曾樂彤和胡子彤出席海灘清潔活動，德斌坦言平時有做垃圾分類；Kelly表示盡量減少製造廢物，自備餐具；曾樂彤指環保之路很長，希望可以保護大自然；榮升酒吧老闆的胡子彤則希望帶頭減廢。
黃德斌、傅嘉莉、曾樂彤和胡子彤日前到西貢龍蝦灣石灘出席「Ecozine海灘清潔比賽2018」，雖然天氣不穩定，下起毛毛細雨，但眾人為環保不遺餘力。德斌和胡子彤負責清理大型垃圾，展現男性魅力；至於Kelly及曾樂彤外表雖然嬌滴滴，但仍十分落力，負責爬高擒低和運送垃圾，為環保付出汗水亦絕無怨言。
曾樂彤要男友買碟
德斌自言一有時間便會做義工，包括海灘清潔，平日非常專注垃圾分類：「有時間就會做，平時會分吓膠樽同紙嗰啲。（做得好仔細？）唔知算唔算，但可以分類嘅我都會分，攞去回收箱，幫得幾多得幾多。」稍後為新片開工的他表示有不少打鬥場面，問到太太會否擔心？他笑言：「唔擔心，唔使搵錢咩？依家其實都好安全，唔怕啦！（婚後首個聖誕節點慶祝？）要開工，我哋唔使日日見嘅。」Kelly則表示會盡量減少製造廢物：「日用品可以環保啲，例如避免用飲管、自備水樽同餐具。」講到她憑劇集《特技人》提名《TVB馬來西亞星光薈萃頒獎禮》「最佳女主角」，她笑言只有0.001%信心。
首次參加海灘清潔活動的曾樂彤，表示體會到減廢的重要：「香港真係太多垃圾，平時大家真係唔覺咁製造咗好多。之前我去澳洲旅行，當地人喺行山見到有垃圾，都會執起帶走。（學垃圾分類？）要正式去學環保，呢條路真係好長，講緊係成個環境同教育。」即將推出首張唱片的她自言十分緊張：「已經叫屋企人、朋友同埋同學要買50隻。（男友游學修包幾多隻？）身邊朋友每人最少都要買一隻。」
胡子彤投資餐廳
至於上月榮升酒吧老闆的胡子彤，希望大家減少製造廢物：「頭先見到好多塑膠垃圾，有時真係可以避免用即棄物品，其實我只係小股東，但我會提出呢個意見。」他表示與朋友合資六位數字開台式鐵板燒餐廳：「我儲錢唔叻，有舊錢喺度使咗去，不如去投資。」