孫耀威「滷鮮肉」出寫真
歌手孫耀威（Eric）前晚於九展完成《HYSTERIC孫耀威演唱會》，不少圈中人捧場， Eric問台下粉絲：「明年再開演唱會好唔好？放心，明年唔會搞生意，拍完戲會即返嚟！台灣同內地都開好唔好？」他於Encore時唱出《永遠保護你》，台下粉絲高舉印有「一起跨過1/4世紀，未來繼續撐你」條幅，他即感動落淚。
Eric完騷後受訪，講到明年開紅館騷？他說：「紅館呢個場，我都係半放棄狀態，好難抽到，除咗紅館，都有申請台灣小巨蛋，兩個場都好想開，因為台灣係出道嘅地方，而香港係我嘅家。」又自爆被粉絲投訴騷肌太少：「原本打算今晚唱《浪踏破》時除衫，點知興奮過度唔記得，唔緊要啦，等下次。（練得咁Fit得太太獨享？）係呀，備受讚賞，可以去拍番本寫真集，以前後生小鮮肉都拍唔少，依家『冰鮮肉』、『滷鮮肉』，粉絲買嘅話應該唔使蝕本。」
