爆喊感動網民李泳豪難忘藍潔瑛教戲
無綫近日重播劇集《義不容情》，飾演已故藝人藍潔瑛兒子的李泳豪當年只得8歲，因演技驚人、喊到力竭聲嘶，被網友封為「元祖級童星」。昨日他受訪時憶述當年藍潔瑛對他像兒子般，又教他做戲，黃日華亦很照顧他。
能夠喊得如此肉緊，他指幕後功臣是媽媽施明：「媽媽教我當瑛姐係佢，話如果佢死咗我會點，咁自然就爆喊。（盛傳當時係媽媽打你先喊得出？）呢點我要澄清，真係冇咁嘅事，我嘅性格係打我都唔會喊。」至於當時酬勞多少則不清楚。另外，藍潔瑛今日舉行喪禮，親姊藍潔卿負責到殮房領取遺體，再運往哥連臣角火葬場火化。
