歌手周柏豪昨日到電台宣傳新碟，表示封面是與太太今年初到冰島旅行的照片：「十幾年前老婆講過，佢讀書時鍾意嘅一隊英國樂隊喺嗰度拍封面，佢嘅願望係去嗰度，所以十幾年後我就帶佢去。（返嚟後感情大增？）一齊就嚟13年，未嗌過交，因為大家價值觀好夾，喜好都一樣。（會唔會有嘢收埋唔講？）唔會，我有問題要講出嚟先瞓到。」日前生日的他笑指太太未有送上驚喜：「反而係我搭正12點發短訊畀佢講I love you，佢先同我講番生日快樂。」
