莊思明笑男友型住Chok
藝人莊思明昨日露腰出席髮型設計活動，自爆秀髮難搞，故只識整簡單的髮型：「做嘢就一定要搵髮型師，因為髮型會影響出嚟個樣好大分別，所以要小心整。」提到男友楊明主演的劇集《兄弟》熱播，她指有在網上重溫：「OK呀！佢都幾Chok！（佢話拍攝時試過60個鐘冇瞓？）係，其實佢個劇組個個都好辛苦，體能好消耗。不過拍出嚟咁型，唔瞓都抵。」
同場的前港姐代蓮曦丹美以露肩低胸晚裝到場，問到早前出席各地的時裝周，有否順道血拼？她說：「喺2個月內飛咗7個國家出席時裝周，都好攰，冇時間掃貨，不過好榮幸收到邀請。」
