吳彥祖催谷囡囡學中文
近幾年主力在外國拍美劇的藝人吳彥祖，到江門出席英皇電影《限期破案》開鏡儀式，他自認廣東話退步，因不想囡囡步自己後塵做「中文盲」，特別安排在美國的囡囡入讀中文幼稚園。
吳彥祖（Daniel）、衛詩雅及內地演員王千源前晚到江門出席英皇電影《限期破案》開鏡儀式，英皇集團主席楊受成及監製韓三平亦有亮相。楊受成特別多謝對方：「這一次由韓三平來當監製，我非常高興，也很踏實，這部戲的水準一定有保證！」
掛住香港拍戲模式
Daniel坦言已有兩至三年未有回港，問到是甚麼驅使他再拍華語片？他說：「我好掛住香港拍攝模式，亞洲電影權力都喺導演身上，但美國拍戲分工好細，今次返嚟拍戲好開心，我喺香港出身，香港係好特別嘅地方，我好尊重港產片。」並笑言自己的廣東話有少許退步，反而近期有練習普通話，問到今次有否帶家人同行？他說：「冇！因為今年個女第一年返幼稚園，我幫佢報讀中文學校，想佢識中文，我唯一後悔自己當年唔識中文。」
衛詩雅操肌變「男人」？
提到早前赴希臘拍攝謝霆鋒的真人騷節目《鋒味》，他指雙方已有近四年沒見面：「大家傾番𡃁仔啲往事，好多回憶，都幾Touching！（有冇喊？）眼濕濕啫！我哋都有講話想拍《特警新人類3》，今年20周年，想預埋馮德倫拍套《特警老人類》！」
而詩雅透露片中有大量打戲，因此特別在開拍前兩個月積極操肌：「唔想輸畀啲男仔，佢哋手瓜等於我大髀咁粗，於是食埋增肌奶粉，戒油鹽糖，依家我好似男人身材。」
特派記者陳偉立江門報道