細佬拍拖？羅天宇：瞞住我咁大膽？
藝人羅天宇昨日到小西灣宣傳劇集《是咁的，法官閣下》，講到胞弟胡㻗被拍到跟劉穎鏇「車震」，他指雙方只是朋友：「佢哋一入行已經識，嗰日細佬咁啱喺附近收工，於是車埋個女仔，突然見到記者衝出嚟影，第一次見到咁情況，當然好驚，嚇親。」問到細佬會否瞞住他拍拖？他即說：「瞞住我咁大膽？應該唔會，佢對我好坦白，咩都問我意見，就算真都只係拍拖，佢哋都襯，都係長腿。（撮合佢哋？）佢哋慢慢了解先。」
同場的麥明詩最近在美國獲得律師執業牌，有網友指她可以專心做律師退出娛樂圈，她說：「唔排除呢個可能，呢個係我第二樣職業，不過我仲係全職藝人，仍會繼續拍劇。」活動後，她抽空到馬場，問到為何頭耷耷？她表示約了馬會董事食飯，而無綫不知道，所以不想影相，其後急急腳走人。