劉穎鏇為「車震」拆彈爆喊

劉穎鏇昨日在將軍澳電視城為無綫節目《學是學非》拍攝，對於與胡㻗「車震」斷正，她突然哭着說：「當時同佢喺車上傾偈，有人出嚟係咁影，所以好驚！唔知點解縮低個頭，會令大家有咩誤會。」講到落車後唇膏甩晒，她聲稱平日少搽唇膏，連拍攝也只搽潤唇膏，因嚇親才面青唇白。

識咗好耐大讚好仔

她又否認與胡㻗拍拖：「佢係一個好男仔，好照顧人，但唔係拍拖，亦唔知佢係咪想追我喎！」並表示不會因此事而避忌，亦已向公司解釋：「大家係好好嘅朋友，識咗好耐，我哋係同一年嘅港姐、港男，可能都係鬼鬼哋所以好傾得埋。（夜麻麻去銀線灣傾偈？）我哋真係冇話特別去邊度，亦唔覺得嗰度有咩唔好，或者會產生咩誤會，自己亦唔熟悉香港。（諗住去胡㻗屋企？）唔係。（傾啲乜？）依家讀番書，壓力真係大咗好多，第一套劇仲要係台慶劇，又期待又緊張，都係傾呢啲嘢。（唔驚人哋誤會？）我唔知嗰個地方會令到人誤會，唔係特登去，大家係好朋友冇必要匿埋，可能我住將軍澳，佢又住附近，嗰晚我食完《兄弟》餐飯，大家又差唔多走，所以佢就車埋我，之後大家就去傾偈。」

劉穎鏇 我哋喺架車上面……	放大圖片	馮盈盈（右）與張寶兒稱相信好姊妹，但點解笑到咁呢？

事後做Gym Keep住勁

拍檔馮盈盈與張寶兒均不相信好姊妹會「車震」，張寶兒讚她面對報道表現鎮定，馮盈盈亦覺得她是個很堅強的女仔。

至於男主角胡(非玉)事件後依然有更新社交網，上載健身相並留言：「keep it rollin#PositiveVibes（保持滾動#正能量）」大騷強勁臂彎。