吳若希鬧爆老公唔接機
歌手吳若希、許廷鏗和鄭欣宜等昨日出席港鐵安全運動，老友鬼鬼的三人一見面即雞啄唔斷。吳若希表示剛從東京拍攝關於二手名牌賣場的旅遊節目返港，問到可有大出血？她笑言：「唔多，買BB嘢多，買咗半篋。（老公呢？）佢有一件衫，好多o架喇。（有咗女就唔要老公？）其實個女唔係佢嘅前世情人，係我嘅前世情人。」
期間她大呻老公好衰：「尋晚叫佢帶個女嚟接機，點知佢選擇咗留喺澳門踢波，未結婚前佢會嚟接我，結咗婚就當我冇到！我陣間會去澳門做嘢，如果佢帶埋個女嚟接船嘅話就原諒佢啦。」
同場的許廷鏗和欣宜表示跟吳若希這個「三人組合」由2011年開始日日見，但近年因分屬不同公司而少見。