單文柔佗Mini Pan搵老公按腳

陳凱琳（Grace）雖然比單文柔（Phoebe）早兩個月結婚，但對方卻更快添丁，令她忍不住出手摸Phoebe肚皮，似乎想沾旺氣；而Phoebe爆老公陳展鵬變身其御用按腳師，大晒幸福。
陳凱琳摸單文柔肚皮，莫非想沾旺氣快啲佗B。
陳凱琳摸單文柔肚皮，莫非想沾旺氣快啲佗B。

陳展鵬新婚太太Phoebe自宣布懷孕後，昨日首度出席公開活動，穿平底鞋配紅裙的她，人逢喜事精神爽，特別省鏡，同場另一位幸福人妻鄭嘉穎太太Grace即送抱祝賀，還摸Phoebe尚未隆起的肚皮，流露出一副恨B樣，似乎嘉穎要「加料」兼努力。

未見肚的單文柔着平底鞋以策安全。
  • 未見肚的單文柔着平底鞋以策安全。

平底鞋穩陣啲

奉子成婚、現懷孕約三個月的Phoebe表示有作嘔兼容易疲累，半夜更試過腳抽筋，不過有老公展鵬貼身呵護：「佢幫我按摩，手勢唔錯㗎！」問到老公可放心她獨自出席活動？她自言身體狀態OK，所以不會特別擔心，又自爆帶備兩對鞋到場，但最後還是決定着較穩陣的平底鞋。她坦言想生個Mini Pan（展鵬花名煎Pan）：「但諗吓又唔想兩個性格一樣，性格唔同會易Handle啲。（一個Pan已難Handle？）唔會，只係佢都鍾意女，其實生男生女都開心。」

下月北京「開工」

而Grace被問到摸Phoebe肚是否想快些佗B？她坦言順其自然，又讚展鵬和Phoebe在宣布喜訊一刻很美，低調得來又開心。再問她想生男還是女？她說：「如果生男可以陪嘉穎打網球，生女就嗲啲似公主。」並笑言未有時間請教生B秘方，當得知Phoebe稱勿有壓力或者可去旅行造人，她直言：「想去旅行，但嘉穎要忙工作，12月仲要去北京，想跟埋老公去。」