江美儀被爆有小鮮肉侍候

藝人江美儀與麥長青(麥包)昨日出席「都市固體廢物收費實踐計劃暨第四批社區參與項目」活動,離婚後回復單身的江美儀被問到感情現況,她說:「依家工作好忙,我真係信緣分,要嚟就嚟,要走就走。」麥包笑她一直被仔包圍,她笑言學識事事不要辛苦自己去做,改由身邊的「小鮮肉」幫手,又自言要跟滕麗名學習:「呢個女人叻到不得了,唔好睇佢平時對我哋好惡死,個老公一打嚟佢即刻轉聲,佢好錫個老公。平時我哋去街市,佢第一時間搵老鼠斑,因為佢老公返嚟食飯,佢就去買。佢老公好幸福,佢都好幸福,個老公又成日陪佢去玩,好Sweet,我會努力嘅。」