王梓軒大把女 未試過黑人！

藝人林盛斌（Bob）與范振鋒等主持的無綫節目《兄弟幫》，宣布由11月19日開始，改為晚上11時播出。一眾主持昨日邀請嘉賓麥玲玲參與錄影，話題圍繞「交友」，麥玲玲指最近創辦了一個手機App速配男女，Bob笑說：「我哋個個都結咗婚，介紹個畀王梓軒啦！」梁烈唯卻插口：「佢話自己好多女呀！」王梓軒即解釋：「你哋講緊我大學嗰時？18、22歲開始識咩叫社交，有約異性食吓飯咁！（女友聯合國一樣？）未有黑人，識過吓美國人，學過吓英文咁囉！」Bob續說：「我介紹過3、4對人認識，好似范振鋒同李思欣咁，都成功咗，只係冇媒人利是啫！」麥玲玲即搭訕指收過大金牌謝媒。另外，范振鋒透露腳傷最快要3個月至半年才康復。