鄧月平幫人催眠Fans博大霧埋身
「影壇新丁」鄧月平踩過界做歌手，最近推出第二首歌曲《最佳演員》。日前受訪時，她透露歌曲概念來自忙碌的人，她覺得香港人生活壓力大，又不時批評自己做得未夠好，希望大家多欣賞及讚美自己。
入行日子尚短的她，坦言經常有迷惘的時候：「喺呢個圈仲有好多嘢要學習，因為我喺電影同音樂方面都係剛踏出一小步，每當迷惘就會用唔好心情去創作。（身邊朋友都有負能量？）都有，我會用一個笑容同擁抱畀大家。」擁有催眠治療師牌照的她，不時鼓勵朋友找她：「我真係會出去同佢哋治療。（當中有冇粉絲？）都有，有男仔初頭話想輔導，後來至坦白話其實係鍾意我，想同我影相。」
與陌生人傾通宵
問到求助者是否愛情煩惱居多？鄧月平笑指愛情與工作都有，但她自覺並非經驗豐富，故大多只是以陪伴身份開解他們，她說：「好多時夜晚收到陌生求助短訊，最長試過傾10個鐘，傾到第二朝大家都眼瞓就停止，不過我都鍾意做聆聽者。（會唔會能醫不自醫？）我依家心理狀況十分好，擇偶條件亦多咗，想搵個有正能量同頭腦清晰嘅男仔，只係忙到冇時間拍拖啫！」
場地：Studiotreehk