李幸倪周身傷驚影響生育
歌手李幸倪（Gin Lee）和藝人蘇麗珊昨日出席慈善跑步活動，Gin Lee透露演唱會後舊患復發，故沒有落場跑：「我本來係運動員，有啲傷冇處理，之前開騷日日健身同練舞，腰、背脊、頸同腳都傷咗。」坦言有時會為周身傷而不開心，更由十幾歲開始擔心日後生BB的問題：「唔知大肚點算，會再做多啲物理治療同瑜伽。」
同場的蘇麗珊最近忙為新戲謝票，自爆被父母取笑上鏡很肥。談到日前被嘲「時裝車禍」，她說：「我覺得幾靚吖，我知佢哋主要話我個頭，但如果次次梳到貼晒好悶。」自言接受新嘗試，被取笑也沒有不開心：「覺得好好笑，我啲朋友全部Cap圖笑我，幾得意！」